მეცხრე დღის რეფლექსია

         დღეს გავაკეთეთ ჩვენი პროექტის პრეზენტაციები და შევაფასეთ ჯგუფის წევრების პრეზენტაციები.ერთმანეთს მივეცით რჩევები და რეკომენდაციები.
         ძალიან კმაყოფილი ვარ მთლიანად მიღებული ინფორმაციით,როგორც თეორიული ისე ტექნოლიგიური.აქ მიღებული ცოდნა ძალიან დამეხმარება სასწავლო პროცესის უკეთესად წარმართვაში.
          დიდი მადლობა ქალბატონო ლალი!

მერვე დღის რეფლექსია

        დღეს შევავსეთ დიფერენცირებული სწავლების კითხვარი.გადავათვალიერეთ ჩვენი პორტფოლიო,ავტვირთეთ Google Drive-ში და გამოვაქვეყნეთ  ბლოგზე.

მეშვიდე დღის რეფლექსია

    გავიხსენეთ წინა დღის დავალებები.მოსწავლის სავარაუდო ნაშრომი განვათავსეთ ჩვენს ბლოგზე.ვიმუშავეთ შეფასების რუბრიკაზე.დავალებად მოგვცა სასწავლო პროცედურების პირველი და მეორე კვირის ვარიანტების დაწერა.

მოსწავლის სავარაუდო ნაშრომი

მეექვსე დღის რეფლექსია

             გავიხსენეთ წინა დღის დავალებები.შევქმენით მოსწავლის სავარაუდო ნაშრომი,რომელიც სახლში უნდა დავამთავროთ და გამოვაქვეყნოთ.ინტერნეტში უნდა მოვიძიოთ მასალები და ჩავინიშნოთ მოძიებული ლიტერატურა,ჩავსვათ საპრეზენტაციო პროგრამაში.შევქმენით მასწავლებლის პრეზენტაცია და გამოვაქვეყნეთ Google Drive-ს მეშვეობით ჩვენს ბლოგზე.
           დავალება მოგვცა  შევავსოთ საბაზისო უნარ-ჩვევები.
           დღემ წარმატებით ჩაიარა.

პორტფოლიოს პრეზენტაცია

მეხუთე დღის რეფლექსია

          ეს დღე იყო საკმაოდ შრომატევადი და ბევრის მომცემი.გავიხსენეთ წინა დღეეს ნასწავლი მასალა,ჩამოვაყალიბეთ მიმართულების მიმცემი საკვანძო კითხვები,.ვისწავლეთ Google Drive-ში მუშაობა,ვისწავლეთ შეფასების დროის ჩარჩოს შევსება,რომელიც სახლში უნდა დავასრულოთ.ვისწავლეთ ინფორმაციის მოპოვება და საავტორო უფლებების დაცვა.აგრეთვე ვისწავლეთ აუდიო-ვიდეოში ჩანაწერის გაკეთება,თუ რა მასალას გამოვიყენებთ.
          დღეს ძალიან დავიღალეთ,მაგრამ საინტერესო დღე იყო.ამისთვის დიდი მადლობა ქალბატონ ლალის!

მეოთხე დღის რეფლექსია

        გავიხსენეთ წინა დღის დავალებები.ვიმუშავეთ პროექტის შაბლონში,ჩავწერეთ თემის იდეა,შინაარსობრივი სტანდარტები და ინდიკატორები,21-ე საუკუნის უნარ-ჩვევები.,შევქმენით ახალი პოსტები:მოსწავლის ამოცანები და მიმართულების მიმცემი კითხვები.
       მოგვცა დავალება შესწორებები შეგვეტანა ჩვენს ბლოგზე მოსწავლის ამოცანებზე და შინაარსობრივ შეკითხვებზე.
       

მიმართულების მიმცემი საკვანძო შეკითხვები

ზოგადი შეკითხვა:

• როგორ მეხმარება მათემატიკა სამყაროს შემეცნებაში?

თემატური შეკითხვები:

• როგორ ვიყენებთ გეომეტრიულ ფიგურების ცოდნას ცხოვრებაში?
• რა როლი უკავია გეომეტრიულ ფიგურებს არქიტექტურაში და ხელოვნებაში?

შინაარსობრივი შეკითხვები:

• დაასახელეთ სივრცითი გეომეტრიული ფიგურები.
• დაასახელეთ სიბრტყითი გეომეტრიული ფიგურები.
• რა კავშირია სივრცით და სიბრტყით გეომეტრიულ ფიგურებს შორის?

მესამე დღის რეფლექსია

        დღეს ჩვენ გავიმეორეთ წინა ტრენინგზე ნასწავლი მასალა.დღე საკმაოდ დატვირთული და საინტერესო იყო.ესგ-ში მოვიძიეთ ჩვენი პროექტისატვის გამოსაყენებელი სტანდარტები და შესაბამისი ინდიკატორები,ჩამოვაყალიბეთ პროექტის იდეის შესაბამისად მოსწავლეთა ამოცანები.
        ვისწავლეთ როგორ ჩავამატოთ ბლოგში გვერდები.ტრენინგი ყოველდღე უფრო საინტერესო ხდება.მადლობა ქალბატონ ლალის!

სტანდარტები და ინდიკატორები

მათ.   VII.9.   მოსწავლეს შეუძლია გეომეტრიული ფიგურების ამოცნობა  მათი სახეობების შედარება და კლასიფიცირება.

შედეგი თვალსაჩინოა,თუ მოსწავლე

·         არქიტექტურისა და ხელოვნების ნიმუშებში ან მათ ილუსტრაციებში,ყოფითი დანიშნულების საგნებში ასახელებს მისთვის ნაცნობ გეომეტრიულ ფიგურებს ან მათ ნაწილებს.

·         აყალიბებს მიმართებებს(მაგ. ზოგადობა-კერძოობა0 ფიგურათა სახეობებს შორის.

·         ასახელებს ფიგურას მისი ნიშან-თვისებების მიხედვით.მსჯელობს ფიგურის ამოსაცნობად მათი საკმარისობის/არასაკმარისობის შესახებ.

  მათ. VII.10.   მოსწავლეს შეუძლია გეომეტრიული ობიექტების წარმოდგენა ამოცანის კონტექსტის შესაბამისად.

               შედეგი თვალსაჩინოა,თუ მოსწავლე

·         აგებს დასმული ამოცანის შესაბამის ნახაზსდა ადეკვატურად იყენებს ასოით აღნიშვნებს.

·         აღწერს გეომეტრიულ ობიექტთა მოცემულ გრაფიკულ გამოსახულებებს ან ობიექტთა ურთიერთმდებარეობას სესაბამისი ტერმინოლოგიის გამოყენებით(მაგ.მართკუთხა პარალელეპიპედის რომელ წახნაგებს ეკუთვნის მითითებული წვერო).

·         გამოსახავს ბრტყელ ფიგურებს ისე,რომ მათი თანაკვეთა/გაერთიანება იყოს მითითებული ფორმის ან თვისებების მქონე ფიგურა.

მოსწავლის ამოცანები

        მოსწავლეები შეძლებენ:

·         გააცნობიერონ არქიტექტურისა და ხელოვნების ნიმუშებში ან მათ ილუსტრაციებში,ყოფითი დანიშნულების საგნებში დაასახელონ მისთვის ნაცნობი გეომეტრიული ფიგურები ან მათი ნაწილები.

·         გაანალიზონ და ააგონ დასმული ამოცანის შესაბამისი ნახაზი და ადეკვატურად გამოიყენონ ასოითი აღნიშვნები.

·         გაანალიზონ და დაასახელონ ფიგურა  მისი ნიშან-თვისებების მიხედვით,იმსჯელონ ფიგურის ამოსაცნობად მათი საკმარისობის/არასაკმარისობის შესახებ.

·         გაანალიზონ და ჩამოაყალიბონ მიმართებები ფიგურათა სახეობებს შორის.

·         ჩაატარონ კვლევა და გააერთიანონ სხვადასხვა წყაროდან აღებული მონაცემები,რათათავიაანთი აღმოჩენის შესახებ ინფორმაცია მიზნების და აუდიტორიის შესაბამისად გადმოსცენ.

·         გამოიყენონ სხვადასხვა ელექტრონული და ბეჭდური მასალა ინფორმაციის შესაგროვებლად და გასაერთიანებლად,შემდეგ კი მიღებული ცოდნის აუდიტორიისათვის გადასაცემად.

მეორე დღის რეფლექსია

დღეს ჩვენ გავეცანით თუ რა სარგებლობა მოაქვს სასწავლო პროექტებს. ერთმანეთს გავაცანით ჩვენი იდეები და  მივწერეთ კომენტარები.გავაკეთეთ  ბროშურის შაბლონები.

ჩემი პროექტის იდეა

            ჩემი პროექტის იდეაა გეომეტრიული ფიგურების ამოცნობა,მათი სახეობების შედარება,კლასიფიცირება.გეომეტრიული ობიექტების წარმოდგენა ამოცანის კონტექსტის შესაბამისად.დასმული ამოცანის ამოსახსნელად საჭირო თვისობრივი რაოდენობრივი მონაცემების მოპოვება.
            მოსწავლეებს განუვითარდეთ აღქმის და წარმოსახვის უნარი გეომეტრიული ფიგურების მიმართ.დაასახელებენ მათ და დაადგენენ თუ რომელი გეომეტრიული ფიგურაა,დაათვალიერებენ არქიტექტურულ ნაგებობებს.შედარებას მოახდენენ გეომეტრიულ ფიგურებსა და და ნაგებობებს შორის.